Половина од граѓаните со основно образование не користат интернет

Share

Интернет пристап до домот имаат 84,5%, додека корисници на интернет се 76,8% од населението во Р. Македонија, покажува најновото истражување на Агенцијата за електронски комуникации.

Корисниците на интернет, пред сè, доаѓаат од помладата популација (97% од лицата на возраст од 18 до 29 години се корисници на интернет), додека кај повозрасните групи на граѓани бројот на корисници опаѓа (30-39 години - 95%; 40-49 години - 83%; 50-59 години - 71%; постари од 60 години – 30%).

Разлики во користењето на интернет може да се забележат и во зависност од степенот на образование, при што 52,4% од лицата со основно и пониско образование не користат интернет.

Се зголемува бројот на лицата што се задоволни од брзината на интернетот, така што вкупниот процент на задоволни лица (сума од многу сум задоволен и задоволен сум) е зголемен за 1,2% во однос на 2017 година. Голем дел од корисниците на интернет (66%) не знаат дека постои можност да се измери точната брзина што ја испорачува интернет провајдерот, додека 42% од тие што се свесни за оваа можност ја проверуваат брзината на нивната интернет конекција.

Околу 34% од испитаниците кои имаат пристап до интернет го контактирале провајдерот поради прекин или недостапност на услугата во последните 12 месеци, а кај 54% од нив проблемот е решен истиот ден.

Процентот на малолетните деца кои имаат пристап до интернет - 30%, бележи мал пад во однос на 2017 година. Во 83% од случаите децата на интернет пристапуваат секојдневно и на него најчесто 37,5% поминуваат до два часа и 43,1% од два до пет часа (кумулативно 80,6%).

Повеќе од половина од испитаниците (58%) во чие домаќинство малолетните деца пристапуваат на интернет не се свесни дека постои софтвер за родителска контрола што на децата ќе им овозможи безбеден интернет. Ваков софтвер имаат инсталирано само 10,1% од домаќинствата со малолетни лица што пристапуваат на интернет, додека 44,4% од лицата во домаќинствата што моментално немаат таков софтвер се заинтересирани да го инсталираат во иднина но поголемиот дел (87,5%) од нив не знаат каде можат да набават таков софтвер.

Една третина од домаќинствата со интернет пристап имаат приговарано телефонски до својот провајдер и во 90% од случаите одговорот на операторот бил задоволителен за лицето што приговарало. Само 1,7% од домаќинствата со пристап до интернет упатиле писмен приговор до интернет провајдерот, најголемиот број (75%) за квалитетот на услугата.

При објавување на материјали од порталот emagazin.mk во друг медиум, задолжително поставете активен линк кон страницата од која е преземен текстот.

За Авторот

Никола Осило

Професионален новинар со повеќегодишно искуство. Новинарството постои за јавноста да се информира, а не за да се контаминира. Факти пред ставови!

Поврзани вести

Детален преглед: Каде скрати пари Владата за да најде 3,4 милиони евра за референдумот?

Собранието на Република Македонија јаусвои одлуката за прераспределба на средства помеѓу буџетските корисници на централната власт и помеѓу фондовите со кои кај Државна изборна комисија, се отвара нова потпрограма - референдум во износ од 210.400.000 денари (околу 3,4 милиони евра).

 

Најчитани вести

МОЖЕБИ ЌЕ ВЕ ИНТЕРЕСИРА

20 регионални телевизии лани оствариле приходи од 102,38 милиони денари

Во текот на 2017 година програма на регионално ниво емитуваа вкупно 26 телевизии. Во анализата на Агенцијата за аудио и аудиовизуелни медиумски услуги анализирани се податоците за економското работење

ВРВ